旅遊會籍高壓推銷 討公道實錄

旅遊會籍公司慣以高壓手段推銷，焗客幫襯，最慘是會籍條款混亂，消費者毫無保障。本刊兩名讀者不幸中招，停止供款，卻被惡人先告狀；惟二人堅決不屈，據理力爭，最終在法庭上取回公道。

上週四，郭小姐與Grace帶滿面笑容走出小額錢債審裁處，如釋重負，皆因纏擾二人整整一年的官司終告審結。「好開心呀！終於贏！」郭笑說。任職出版社設計員的郭小姐，去年四月收到中獎電話，謂只要出席一個九十分鐘的旅遊講座，即可獲贈一張豪華郵輪套票。郭不虞有詐，按指示前往尖沙咀一家名為Eagle Century（下稱EC）的旅遊會籍公司聽講座，豈料被職員疲勞轟炸近四小時。為求脫身，郭簽約買下一個約三萬元的Eagle Century Club會籍，並即場碌卡付了近八千元作首期，餘數分三十六期供款。「我根本就唔情願買，只係想快走人！」

惡人先告狀
郭回家後自覺受騙，遂報警求助，更去信銀行撤銷該筆信用卡交易。然而EC不肯罷休，入稟小額錢債審裁處，追討全數會費。現就讀大學二年級的Grace，遭遇與郭甚為相似，同樣被EC起訴。她說：「我單案同一日審，好巧合咁識。」郭表示，去年首次聆訊時，EC的代表蘇先生曾提出庭外和解，要求她倆繳交首期加三期供款。「梗係唔肯！道理自己度，點可以妥協！」二人堅持由法庭裁決，案件於今年初再度延訊，直至上週四第三次開庭。

度假酒店為紅磡住宅
庭上，蘇先生不斷強調有合約在手，白紙黑字，但裁判官表示須考慮其他情況。如裁判官質疑為何會員手冊上寫明，Eagle Century Club現時有三間度假村及酒店，聲稱地點遍及香港及馬來西亞，卻沒寫明名稱及地址。蘇先生答謂資料太多，須待客人主動查詢才會提供。裁判官反問道：「三間都話多？」裁判官又要求蘇先生提供香港度假村的資料，對方謂：「係Grand Blossom House！」裁判官即時休庭，入內庭查閱公用地圖，惟回來時表示找不到有此酒店，蘇先生才說明，原來那是位於紅磡的服務式住宅盈采華庭。裁判官即半帶嘲諷道：「總之唔係度假村啦！」蘇先生無言以對。

回應：將會上訴
郭與Grace的案件由早上十一時開審，至近一時，法庭便有裁決。裁判官引用《不合情理合約條例》，裁定EC敗訴，更須賠償三百元予郭小姐，以作車馬費及申請無薪假期的損失。
「今次真係大快人心！」郭小姐笑說：「我網上識唔少人都同佢打緊官司，希望呢單case對佢有參考價值！」
上週五，記者向EC查詢郭小姐和Grace的個案，對方表示會上訴，但對於其會籍合約、酒店規模、經營手法等問題，則拒絕回應。（李浩榮）

Eagle Century 起底
根據公司註冊處資料，Eagle Century（Hong Kong） Limited○四年底成立，註冊地址為尖沙咀新港中心二座五○三室，翁素容及連家和是股東兼董事。該公司成立至今，官司纍纍，最少牽涉十五宗小額錢債案，其中十宗是被告。
翁、連二人同時是怡和世紀集團有限公司（Eagle Century Group Limited）的股東兼董事，該公司亦有多宗官司纏身，由○五年至今，最少牽涉三十宗小額錢債案，全部是被告。

不合情理合約條例
根據《不合情理合約條例》，如法庭裁定消費者簽署的合約，有任何部分屬不合情理，則可拒絕 執行、局部執行，甚或修改該份合約。
法庭一般會考慮消費者的議價地位、對有關合約的了解程度、以及立約一方有否施加不當的壓力，或運用任何不公平的手法等。

參考: 投訴(2) 旅遊會籍高壓推銷　討公道實錄
http://next.atnext.com/template/next/sec_main.php?iss_id=842&sec_id=1000853

壹週突擊旅遊會籍高壓推銷實錄

旅遊會籍公司慣以超市現金券、豪華郵輪套票等禮品，利誘消費者自投羅網，接受疲勞轟炸式硬銷數小時，最後焗住幫襯。

雖然消費者委員會每年都收到過百宗相關投訴，但這些公司就是不死，甚至假借海洋公園、迪士尼等名義招搖撞騙，受害者不絕。上週記者亦收到得獎電話，遂親往現場，拆穿其高壓推銷手法。

「我好唔滿意佢手法！」年前呂小姐收到皇廷國際的得獎通知，不知就裡便上門領獎。
「佢我張身份證，話要入資料，點知搞三個鐘！」呂小姐表示，在進退維谷之際，職員不斷推銷度假會籍，她為求脫身，被迫簽約買下一個價值五萬元的旅遊會籍。

第一招 寒暄套財務資料
上週三，記者亦收到該公司來電，稱記者早前曾完成一份電話問卷調查，「為表謝意，依家公司送你百佳現金券、酒店套票、美容禮券、或者豪華郵輪套票，任你揀兩樣，無任何條件！」記者隨口揀選兩樣後，對方說：「聽日你上聽一個九十分鐘講座，聽完就可以簽收啦！」
翌日記者帶同攝影師，準時於傍晚六時半，前往其銅鑼灣信和廣場一五○一至○二室的辦公室。皇廷國際除要求領獎者關掉手提電話外，又要逐一面試、登記個人資料，連前來作伴的朋友亦不能倖免。
一戚姓經理與記者寒暄幾句後，便開始亂吹：「我幫銀行公會做緊調查。想問你有冇用信用卡呢？用開邊張？」確定記者有卡傍身後，他即安心的道：「依家公司做緊推廣，等陣會有人講解，要九十分鐘……簽個名就可以禮品走啦！」

第二招 拖延時間磨蝕抗拒意志
說得簡單，但戚經理走後，又有個旅遊顧問鄧小姐前來問：「你做咩工？」然後不邊際的閒聊半小時。記者忍不住問道：「個講座究竟邊度搞？」鄧小姐答：「呢度，就係我同你講咋！」「咁幾時先開始？」「未開始得，要等經理輸入曬你資料先！」
等了整整九十分鐘，直至有個林姓經理遞上旅遊資料，鄧小姐才開始講解皇廷國際的「時光共享」概念：「俾少少錢，就可以擁有自己度假屋！」她又拿出度假屋圖冊，不斷問：「如果俾你住，你話好唔好？」
雖然記者頻頻敷衍，但對方仍自顧自地逐頁講解手上厚厚的圖冊。記者表示趕時間，要求她加速講解，但她說：「依家已經快好多啦！」

第三招 施軟功劈價客
待至十時許，記者給折磨了近四小時，鄧小姐才肯收口，再由林經理接力。林氏說：「睇你幾鍾意呢個會籍喎，但我要講明，標準會員價要十七萬，你點睇？」記者表示負擔不起，他即一臉同情的表示：「除錢問題，仲有冇其他問題？」
記者搖頭，於是他拿出一張白金會員的價目牌：「咁公司做緊優惠，只要你符合資格，今日登記，公司會幫你出一部分錢，計落只係六萬八蚊咋！」
記者表現得猶豫不決，林經理說：「可以分期俾嘛！你話，首期俾幾多、每月供幾多，先覺得輕鬆？」記者堅持需要時間考慮，鄧小姐便叫另一梁姓經理過來。

第四招 黑面惡言相向
梁經理甫坐下，即大聲夾惡地道：「你考慮咩，之前你又話係錢問題？」又說：「如果你係唔想買，我就唔會俾你睇白金會籍個價！」
記者拒絕幫襯，要求即時簽收禮品，但梁經理說：「我覺得你誠信有問題，關於你禮品資格，公司要研究一。」記者追問：「十一點啦喎，你要考慮幾耐？」梁經理不屑地答：「唔知！」
記者白忙一晚，根本就拿不到所謂「無任何條件」的禮品。離開時，場內仍有十多位「得獎者」未能脫身，不知有多少人最終被迫落疊。

力爭勝訴有案例萬一自己意志薄弱、心軟中招，律師何傳經指出，消費者仍可循民事途逕入稟法院，證明自己乃被迫簽約。
他說：「譬如話職員長時間疲勞轟炸你、去廁所又搵人貼身跟住、簽約但又唔俾合約你睇，或俾唔夠時間睇合約等等。」
事實上，本港消費者亦有成功解約的案例。如○一年中，章氏夫婦在度假公司International Resort Developments Limited的威逼利誘下，簽約買了一個約十一萬元的會籍，分十八期供款。
其後，他們入稟小額錢債審裁處，指控該公司的推銷手法不當，最後法官引用《不合情理合約條例》，判度假公司敗訴，須退還已繳費用連利息。
（葉開）

參考：投訴(1) 壹週突擊旅遊會籍高壓推銷實錄
http://next.atnext.com/template/next/sec_main.php?iss_id=834&sec_id=1000853